नेपाल संवत नेपाली जनताको गौरवमय राष्ट्रिय सम्पदा – राष्ट्रपति पौडेल

• ३९
• मंगलवार, ४ मंसिर २०८१

राष्ट्रपति रामचन्द्र पौडेलले नेपाल संवतलाई नेपालको मौलिक र राष्ट्रिय संवत भएको बताउनुभएको छ । समाज सुधारक शंखधर साख्वाःलाई राष्ट्रिय विभूति घोषणा गरिएको २५ वर्ष पुगेको अवसरमा मंगलवार राष्ट्रपति भवनमा आयोजित शंखधर दिवस विशेष समारोहमा राष्ट्रपति पौडेलले नेपाल संवत ऐतिहासिककालदेखि नै नेपाली जनताको धार्मिक, सांस्कृतिक र सामाजिक जीवनसँग समीप रहेको संवत भएकोले यो देशको राष्ट्रिय र मौलिक संवत् भएको बताउनुभएको हो ।
बागमती प्रदेशको संस्कृति, पर्यटन र सहकारी मन्त्रालयको आयोजना र राष्ट्रिय विभुति शंखधर साख्वा प्रतिष्ठान थिमिको संयोजनमा आयोजित उक्त कार्यक्रममा राष्ट्रपति पौडेलले आफ्नै देशको नामबाट स्थापित विश्वको एउटै मात्र संवत् भएकाले नेपाल संवत् सम्पूर्ण नेपाली जनताको गौरवमय राष्ट्रिय सम्पदा समेत भएको बताउनुभयो ।