काठमाडौं । सन्दीप लामिछानेको मुद्दामा आइतबारका लागि फाइनल पेसी तोकिएको छ। यसअघि पटक(पटक स्थगित हुँदै आएको पेसी दुबै पक्षले बहस नोट अदालतमा बुझाए पछिको यो पहिलो हो।
अदालते गत २३ कातिकमा दुबै पक्षलाई २२ मंसिर भित्र बहस नोट बुझाउन आदेश दिएको थियो। सोहीअनुसार दुबै पक्षले बहस नोट बुझाइसकेका छन्।
सन्दीपका कानुन व्यवसायी सरोजकृष्ण घिमिरेले मुद्दाको फाइनल पेसी रोक्नु पर्ने कारण नभएको बताए। उनले भने, ‘आजबाट चितवनमा बार समेलन छ, तर हामी यही मुद्दाले किनारा पाउनु पर्छ भनेर काठमाडौंमा नै छौं। सम्भवतस् आज फाइनल सुनुवाइ सुरु हुने विश्वास छ।’
यद्यपि कुनै कानुन व्यवसायीले बार सम्मेलनमा जानु पर्ने कारण देखाएर स्थगनको लागि अपिल गरेमा मुद्दा स्थगित हुन सक्ने सम्भावना भने रहेको छ।