भक्तपुर कप फुटबलको उपाधि भक्तपुर एफसीलाई

  • ७४
  • आइतबार, १५ फाल्गुण २०७८


भक्तपुर । भक्तपुर कप फुटबलको उपाधि भक्तपुर फुटबल क्लव (भक्तपुर एफसी) को हातमा परेको छ । फाइनल खेलमा भक्तपुर एफसीले आयोजक भक्तपुर युवा टिमलाई शनिबार ३—१ गोलको अन्तरले पराजित गरेको हो ।
खेलको निर्धारित समयसम्म दुवै टिमले कुनै पनि गोल गर्न सकेन । त्यसपछि टाइब्रेकरको आधारमा खेलको नजिता निस्केको हो । पेनाल्टीमा भक्तपुर एफसीले तीन गोल गर्न सफल भएको थियो भने आयोजक भक्तपुर युवा टिमले एउटा मात्रै गोलमा चित वुझाउन बाध्य भयो ।
विजयी भक्तपुर एफसीकोतर्फबाट जर्सी नं ११ का दीपेन्द्र माझीले पहिलो पेनाल्टी गोल गरी विजय यात्राको प्रारम्भ गरेको थियो । यसरी विजेता भक्तपुर एफसीकोतर्फबाट अर्काे गोल जर्सी नं १६ का अजय चौधरीले गरे भने अर्काे थप गोल जर्सी नं १० का उदिप्त चौधरीले गरे । तर यता आयोजक भक्तपुर युवा टिमबाट जर्सी नं ११ का सुजन गोसाईले एक गोल मात्र गर्न सफल भए । यसरी आयोजक भक्तपुर युवा टिम दोश्रो स्थानमा सिमित रहन बाध्य भए ।
प्रतियोगितामा अनुशाशित टिम एफसी रेले, उदयीमान खेलाडी भक्तपुर एफसी क्वलका जानमी धामी, म्यान अफ द म्याच भक्तपुर एफसी क्लबका रुविन वोगटी, वेष्ट गोल किपर भक्तपुर एफसीको रविन वोगटी, वेष्ट मिड फिल्डर भक्तपुर युवा टिमका विकास लामा, वेष्ट डिफेन्डर भक्तपुर युवा टिमका सविन खड्का, बेष्ट प्लेयर अफ म्याच भक्तपुर युवा टिमका किशोर सुवाल, वेष्ट कोच भक्तपुर एफसीको रवि कवां घोषित भए ।
प्रतियोगितमा प्रथम हुन सफल भक्तपुर एफसीले भक्तपुर कपका साथै एक लाख १५ हजार नगद, शिल्ड तथा प्रमाणपत्र पाए । फाइनलमा पराजित भई दोश्रो हुने आयोजक भक्तपुुर युवा टिमले ५५ हजार नगद प्राप्त गरेका छन् । उनीहरु सवैलाई संघीय सांसद प्रेम सुवालले पुरस्कार तथा प्रमाणपत्र वितरण गरे । प्रतियोगितामा काठमाडौं उपत्यका र उपत्यका बाहिरका १६ वटा टिमले सहभागिता जनाएका थिए । प्रतियोगिता फागुन ६ गतेदेखि सुरु भएको थियो ।
प्रतियोगिताको पहिलो पुरस्कारका लागि लक्ष्मण अवाल र प्रविण कुस्माले संयुक्त रुपमा नदगको व्यवस्था गरिदिएका थिए । त्यस्तै दोश्रो पुरस्कार ५५ हजारका लागि शिखर इन्स्युरेन्स कम्पनी लिमिटेडले सहयोग गरेको थियो । त्यस्तै प्रतियोगिताका लागि भक्तपुर इटा उद्योग व्यवसायी संघ, भक्तपुर टक व्यवसाय प्रालि, भक्तपुर नगरपालिका, ख्व्प अस्पताल, शिखर इन्स्योरेन्स कम्पनी लिमिटेड, सुसन्देश बहुउद्देश्यीय सहकारी संस्था लिमिटेड, जीएस ऐग टाइ, गोर्खा इको प्यानललगायले सहयोग गरेको आयोजक युवा टिमका अध्यक्ष केशव त्वानाबासुले जनाए ।

भर्खरै

हाम्रो बारेमा

तपाईको सूचनालाई हामी समाचारका रुपमा प्रस्तुत गर्दै जानेछौं । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा सुनाखरी पाटीले कहिल्यै कसैसँग सम्झौता गर्ने छैन ।

सम्पर्क ठेगाना

सुनाखरीपाटी मिडिया प्रा.लि.
भक्तपुर नगरपालिका–१, भक्तपुर
सुचना तथा प्रसारण विभाग नं. १६३५/०७६–७७

सम्पादकः रोशन सिल्पकार

सञ्चालकः शिवराम पालुबञ्जार

सम्पर्क नं. ९८४१७९५६८७/९८४१३००७०४

विज्ञापनका लागि: ९८४१७९५६८७

Email : sunakharipati@gmail.com

© 2018 सुनाखरी पाटी. All Rights Reserved

Developed by : NCS.Technology | Powered by : NepBay Inc.