गण्डकीमा गुरुङको फेरि मुख्यमन्त्रीमा दाबी

  • ३६
  • शनिबार, २९ जेठ २०७८


काठमाडौँ। विश्वासको मत लिन असफल गण्डकीका पदमुक्त मुख्यमन्त्री पृथ्वीसुब्बा गुरुङले फेरि मुख्यमन्त्रीमा दाबी गरेका छन् ।

प्रदेश प्रमुख सीता पौडेलले नयाँ सरकार गठनका लागि दिएको समय सीमा सकिन लाग्दा गुरुङले मुख्यमन्त्रीमा दाबी पेश गरेका हुन् ।

उनको दाबीमा जनता समाजवादी पार्टीको प्रदेश समिति र जनमोर्चाका सांसद कृष्ण थापाको साथ रहेको उल्लेख छ । तर, जनता समाजवादीका सांसदहरू भने आफूहरूको समर्थन विपक्षीलाई रहेको बताइरहेका छन् ।

जनता समाजवादीको प्रदेश समितिले मुख्यमन्त्रीमा पृथ्वीसुब्बालाई साथ रहेको पत्र प्रदेश प्रमुखलाई दिएको थियो । विश्वासको मत दिने बेलामा तटस्थ बसेका जनमोर्चा सांसद कृष्ण थापाले आफ्नो साथ अहिलेकै सरकारलाई रहेको बताएको भन्दै दाबी पेस गरेका हुन् ।

तर, विपक्षीले भने सांसदलाई नै उपस्थित गराएर दाबी पेस गरेको छ । विपक्षी गठबन्धनबाट मुख्यमन्त्रीका दाबेदार नेपाली कांग्रेसका सांसद कृष्णचन्द्र नेपालीले भने किर्ते काम गरेर आफूलाई रोक्ने काम भएको आरोप लगाएका छन् ।

मुख्यमन्त्रीको दाबीका लागि बहुमत सदस्यहरूको हस्ताक्षरसहित आफूहरूले दाबी पेश गर्दा पनि किर्ते काम गरेर त्यसलाई रोक्ने काम भएको उनको आरोप छ ।

प्रदेश प्रमुखको कार्यालय अगाडि शनिबार सञ्चारकर्मीहरुसँग बोल्दै नेता पोखरेलले पृथ्बी सुब्बा गुरुङले किर्ते काम गरेर आफूलाई रोकेको आरोप लगाएका हुन् ।

हाम्रो बारेमा

तपाईको सूचनालाई हामी समाचारका रुपमा प्रस्तुत गर्दै जानेछौं । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा सुनाखरी पाटीले कहिल्यै कसैसँग सम्झौता गर्ने छैन ।

सम्पर्क ठेगाना

सुनाखरीपाटी मिडिया प्रा.लि.
भक्तपुर नगरपालिका–१, भक्तपुर
सुचना तथा प्रसारण विभाग नं. १६३५/०७६–७७

सम्पादकः रोशन सिल्पकार

सञ्चालकः शिवराम पालुबञ्जार

सम्पर्क नं. ९८४१७९५६८७/९८४१३००७०४

विज्ञापनका लागि: ९८४१७९५६८७

Email : sunakharipati@gmail.com

© 2018 सुनाखरी पाटी. All Rights Reserved

Developed by : NCS.Technology | Powered by : NepBay Inc.