‘द गेम अफ थ्रोन्स’को प्रिक्वेल सिरिज तयारी

  • १४१
  • बुधबार, १५ बैशाख २०७८

काठमाडौँ । अमेरिकी फेन्टासी ड्रामा सिरिज ‘द गेम अफ थ्रोन्स’को प्रिक्वेल सिरिज ‘हाउस अफ ड्रागन’को प्रि-प्रोडक्सनको काम सुरु भएको छ । सिरिज निर्माता कम्पनी एचबीओले यसको पुष्टि गरेको छ ।

बीबीसीमा प्रकाशित समाचारअनुसार एचबीओले सामाजिक दुरीलाई कायम राख्दै फिल्मसँग सम्बन्धित कलाकारहरु पेड्डी कोन्सिडिन र मेट स्मिथको तस्वीर सार्वजनिक गरेको छ ।

‘हाउस अफ द ड्रागन’ले ‘गेम अफ थ्रोन्स’ भन्दा तीन सय वर्ष अघिको समयलाई प्रस्तुत गर्नेछ । यसको कथा तार्गेरियनको परिवार वरपर घुम्नेछ ।

प्रिक्वेल सिरिज लेखक जर्ज आर आर मार्टिनको सन् २०१८ को उपन्यास ‘फायर एण्ड ब्लड’मा आधारित हुनेछ ।

मार्टिन, मिगुल सापोच्निक र र्यान जे कोन्डालले सिर्जना गरेको सिरिज सन् २०२२ मा एचबीओ म्याक्समा स्ट्रिमिङ हुनेछ ।

सिरिजमा कोन्सिडिनले न्यानो, दयालु र सभ्य राजा भिर्सेज तार्गारियनको भूमिका निभाउनेछन् ।

अघिल्लो सिरिजमा डाक्टर हु र दिवंगत इडिनबर्गका राजाको भूमिकामा अभिनय गरेका स्मिथले नयाँ सिरिजमा प्रिन्स डाइमन तार्गारियन भूमिकामा देखिनेछिन् ।

उनीहरुबाहेक इमा डआर्ची, स्टिभ टाउसेन्ट, राइज इफान्स र ओलिभिया कुकको पनि अभिनय रहनेछ ।

मार्टिनको ‘ए सङ अफ आइस एण्ड फायर’ पुस्तकबाट प्रभावित यो सिरिजका फ्यानहरुले तार्गारियनको परिवार कसरी गृहयुद्धमा फँसेको छ भन्ने नयाँ कुरा थाहा पाउनेछन् ।

अभिनेत्री एमिलिया क्लार्कले तिनीहरुको वंशजमध्ये एक डाइनेरीज तार्गारियनको भूमिकामा यसअघि अभिनय गरेकी थिइन् । यो चरित्र सिरिजको सन् २०११ देखि २०१९सम्मको आठौं संस्करणको महत्वपूर्ण चरित्र हो ।

यो सिरिजले ५९ एमी अवार्ड जित्नुका साथै टेलिभिजनको इतिहासमा सर्वाधिक सफल सिरिजमा आफूलाई उभ्याएको थियो । तर यसको अन्तिम सिजनको समीक्षा भने दर्शक र फ्यानमाझ विभाजित भएको थियो ।

हाम्रो बारेमा

तपाईको सूचनालाई हामी समाचारका रुपमा प्रस्तुत गर्दै जानेछौं । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा सुनाखरी पाटीले कहिल्यै कसैसँग सम्झौता गर्ने छैन ।

सम्पर्क ठेगाना

सुनाखरीपाटी मिडिया प्रा.लि.
भक्तपुर नगरपालिका–१, भक्तपुर
सुचना तथा प्रसारण विभाग नं. १६३५/०७६–७७

सम्पादकः रोशन सिल्पकार

सञ्चालकः शिवराम पालुबञ्जार

सम्पर्क नं. ९८४१७९५६८७/९८४१३००७०४

विज्ञापनका लागि: ९८४१७९५६८७

Email : sunakharipati@gmail.com

© 2018 सुनाखरी पाटी. All Rights Reserved

Developed by : NCS.Technology | Powered by : NepBay Inc.