नेपाली कांग्रेस विवादपछि समाधानको उपाय खोज्‍न नेताहरु चाक्सीबारीमा छलफल

  • २०६
  • आइतबार, ६ पौष २०७६

काठमाडौं । नेपाली कांग्रेसमा चुलिएको पछिल्लो विवाद समाधानको उपाय खोज्‍न नेताहरु फेरि छलफलमा जुटेका छन् । कांग्रेसको आन्तरिक समस्याको समाधान खोज्‍न कांग्रेस नेताहरु फेरि चाक्सीबारीमा छलफलमा जुटेका हुन् ।

कांग्रेस केन्द्रीय सदस्य प्रकाशमान सिंहको निवास चाक्सीबारीमा सुरु भएको छलफलमा उपसभापति विमलेन्द्र निधि र वरिष्ठ नेता रामचन्द्र पौडेल समूहले वार्ताका लागि गठन गरेको कार्यदलका सदस्यहरुबीच छलफल चलिरहेको छ ।

पौडेल समूहले गठन गरेको कार्यदलमा नेता सिंहसँगै केन्द्रीय सदस्य दिलेन्द्रप्रसाद बडू र हृदयराम थानी सदस्य छन् । उक्त कार्यदल र संस्थापन पक्षबाट सहजीकरण गर्दै आएका उपसभापति निधिबीच गत साता पनि घनिभूत छलफल भएको थियो ।

यद्यपि, छलफल ठोस निष्कर्षमा भने पुग्न सकेको थिएन । पौडेलसँग सहमति नजुटेपछि सभापति शेरबहादुर देउवाले गत शुक्रबार बोलाइएको केन्द्रीय कार्यसमिति बैठक पुस १० गतेसम्मका लागि स्थगित गरेका थिए ।

पुस २६ गते सुरु भएको केन्द्रीय कार्यसमिति बैठकमा आगामी महाधिवशेनको कार्यतालिका ल्याउन सहभापति देउवा सकारात्मक नदेखिएपछि पौडेल समूह बहिष्कारमा उत्रिएको थियो ।

पछिल्लो समय सभापति देउवा कार्यतालिका ल्याउन सकारात्मक देखिए पनि भ्रातृ संगठन नेपाल विद्यार्थी संघ (नेविसंघ) र नेपाल तरुण दलको नेतृत्वका विषयमा पौडेल समूहसँग सहमति जुट्न सकेको छैन् । पौडेल समूह दुई भ्रातृ संस्थामध्ये कुनै एकको नेतृत्व आफ्‍नो समूहले पाउनुपर्ने अडान राख्दै आएको छ ।

भर्खरै

हाम्रो बारेमा

तपाईको सूचनालाई हामी समाचारका रुपमा प्रस्तुत गर्दै जानेछौं । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा सुनाखरी पाटीले कहिल्यै कसैसँग सम्झौता गर्ने छैन ।

सम्पर्क ठेगाना

सुनाखरीपाटी मिडिया प्रा.लि.
भक्तपुर नगरपालिका–१, भक्तपुर
सुचना तथा प्रसारण विभाग नं. १६३५/०७६–७७

सम्पादकः रोशन सिल्पकार

सञ्चालकः शिवराम पालुबञ्जार

सम्पर्क नं. ९८४१७९५६८७/९८४१३००७०४

विज्ञापनका लागि: ९८४१७९५६८७

Email : sunakharipati@gmail.com

© 2018 सुनाखरी पाटी. All Rights Reserved

Developed by : NCS.Technology | Powered by : NepBay Inc.