महीनावारी र सुत्केरी महिलालाई किन दिदैनन् दहीदूध ?

  • २५८
  • बुधबार, ४ भाद्र २०७६

बाजुरा | जिल्लाका अधिकांश ठाउँमा महीनावारी र सुत्केरी महिलालाई दही-दूध नदिने चलन अझै कायमै रहेको छ। सामान्य अवस्थाभन्दा महीनावारी र सुत्केरी भएका बेला महिलालाई बढी पोषिलो खाद्यवस्तुको आवश्यकता पर्छ।

बडिमालिका नगपालिका-७ सिराडीकी कल्पना विक भन्छिन्, बाजुराका ग्रामीण भेगमा भने दूध-दही लगायतका गोरसजन्य वस्तु केही दिँदैनन्, सुत्केरी र महिनावरी भएका महिलाले परम्परागत रुपमा न त गाईवस्तुलाई छुन मिल्छ न त गोरस प्रयोग गर्न मिल्छ ।

सोही वडाकी मासमती विकले महीनावारी भएका बेला गाईवस्तुलाई छोएमा सुक्दै जाने, बिरामी हुने र देवीदेउता रिसाउने हुँदा गाईवस्तुलाई छुने हिम्मत नै नगरेको पीडा सुनाइन्। जिल्लाका केही स्थानीय तहमा फाट्टफुट्ट गोरसको प्रयोग गरे तापनि अधिकांश स्थानीय तहका ग्रामीण भेगका सुत्केरी र महीनावारी भएका महिलालाई दूध, दही अझै नदिने गरेको बडिमालिका नगरपालिका-९ का गोपाल विकले बताए।

गौमुल गाउँपालिका-६ टुनीकी रचना विकले भनिन्, यो परम्परागत अन्धविश्वासका विरुद्ध गाउँ-गाउँमा अभियान सञ्चालन गर्नुपर्छ। जिल्ला अस्पतालका डा. रोहित गिरीले भने महीनावारी र सुत्केरी भएका बेला रगत बढी बग्ने र शरीरमा कमजोरीको महसुस हुने भएकाले यो अवस्थामा दूध, दही, हरियो सागपात, माछामासुलगायत साविकको भन्दा पोषिलो खानेकुरा बढी प्रयोग गर्नुपर्ने बताए।

भर्खरै

हाम्रो बारेमा

तपाईको सूचनालाई हामी समाचारका रुपमा प्रस्तुत गर्दै जानेछौं । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा सुनाखरी पाटीले कहिल्यै कसैसँग सम्झौता गर्ने छैन ।

सम्पर्क ठेगाना

सुनाखरीपाटी मिडिया प्रा.लि.
भक्तपुर नगरपालिका–१, भक्तपुर
सुचना तथा प्रसारण विभाग नं. १६३५/०७६–७७

सम्पादकः रोशन सिल्पकार

सञ्चालकः शिवराम पालुबञ्जार

सम्पर्क नं. ९८४१७९५६८७/९८४१३००७०४

विज्ञापनका लागि: ९८४१७९५६८७

Email : sunakharipati@gmail.com

© 2018 सुनाखरी पाटी. All Rights Reserved

Developed by : NCS.Technology | Powered by : NepBay Inc.